کراچی میں ایک رہائشی عمارت میں آگ لگنے سے 3 بچے جاں بحق

مہر خبررساں ایجنسی نے جنگ کے حوالے سے نقل کیا ہے کہ پاکستان کے شہر کراچی کے علاقے لیاری میں واقع کھڈا مارکیٹ کے قریب رہائشی عمارت میں آگ لگنے اورعمارت میں دھواں بھر جانے کے نتیجے میں 3 بچے جاں بحق ہو گئے ہیں ۔ پولیس حکام کے مطابق پر آگ پر قابو پالیا گیا، آگ لگنےکے باعث ماں اور 3 بچے جھلس کر زخمی ہو گئے ، زخمیوں کو سول اسپتال منتقل کیا جا رہاتھاکہ دم گھٹنے کے باعث 3بچے جاں بحق ہو گئے جبکہ ماں اور دیگر بچے اب بھی اسپتال میں زیر علاج ہیں۔
اسپتال ذرائع کے مطابق کھڈا مارکیٹ کے قریب رہائشی عمارت میں آتشزدگی کے واقعے میں جاں بحق بچوں کی شناخت آمنہ اور عبدالعزیز کے نام سے ہوئی ہے۔فائر بریگیڈ کے مطابق آگ پر قابو پا لیا گیا ہے۔